( عايزه ايه منا يا دنيا تاني )
ملناش فيكي يا دنيا حيله
بتاخدي حبايبنا في يوم وليلة
وتحرمينا منهم وهما نور عنينا
والايام تعدي علينا سنين مريره
والصحبه الكتيره صبحت قليله
ونسيتي يادنيا هما فرحة عمرنا
والضحكه معاهم كانت ملكنا وتحت أمرنا
وف غمضة عين نلقاهم راحوا وغابوا عننا
راحوا وسابوا الهموم كسرت ضهرنا
وراح معاهم معاني الدفي والحنيه
والدنيا تصبح مليانه ظلم وقسيه
عايزه ايه منا يادنيا تاني
تعلقينا بحبايبنا سنين وتخديهم منا في ثواني
ودايماً مخوفانا ع اللي منهم لسه باقي
ما انتي يادنيا دنيا غداره ومالكيش أمان
حرمتينا من كل حلواْ في حياتنا كان زمان
وكان وداع حبايبنا اللي راحوا قاسي علينا
ومين بعدهم لهمومنا واحزانا ينسينا
ومين راح يصبرنا علي فراقهم ويواسينا
ومين للأم وحنيتها وحنية حضنها يقدر يعوضها
والعيشه ومرارها من بعدها مين رآح يتصورها
ومين بعد الأب ينفع يكون سند لينا
ومين فيكي يادنيا يعوضنا عن اهالينا
ومين يقدر ينسينا طمع النفوس حوالينا
ومين يهمه نعيش يادنيا من غير.وجع
والناس فيكي نفوسها مليانه طمع وجشع
ليه يا دنيا الوجوه مابقتش هيه
والضحكه صبحت في وجوهنا منسِيه
ومن بعد ماراحت معاني الطيبه والمحبه
اتغيرتي يادنيا واتغيرت نفوس الأحبه
وآه يا دنيا آه علي حبايب ماتوا وسابونا
سابوا حزن السنين وراحوا وفاتونا
مالكيش طعم يادنيا بعد ماغابوا وودعونا
خواطر (أشرف الدغيدي )
تعليقات
إرسال تعليق