التسميات

 

القصيدة الأخيرة :
آخر رسالة :
هيا الحقيقة كتبتها وبعتها
وأنا مش حعيد
لوكل حب الدنيا ليكى
حبى ليك فوق المزيد
أنا حبى نابع من تراب
الارض
اللى بتتمشى عليها
وحبى ساطع عن شعاع الشمس
ال انت بتدفىها
وانا بتدفى بيها بيها
أنا حبى أجمل م القمر
اللى فى بدره وتمامه
نوره .. وحلمه .. وهيامه
من نور جبينك
وجلال عنيك
اللى سحرتينى بيها
أنا حبى أطهر م المطر
اللى نازل ..
م السما بأمر القدر
عشان ينبت كل الصحارى
البور ..
يملاها زهر
ويتجلى النظر
أنا حبى أطيب من نسيم
الصبح
بأذكار السحر
بأنفاس الفجر
بالندى لما انحدر
فوق الشواشى والعيدان
والسنابل فى الغيطان
ويصحى طيرنا م العشوش
قوم .. انتشر
انت ياعصفور يزقزق
واليمامة
والكنارى والنوارس
فى النوادى والبوادى
والمداين والمدر
أنا حبى اطول من سكة العاشقين
لما يقوموا أويناموا
أويحيوا السمر
او ينووا المفارقة والسفر
أنا حبى بيعدى نيل الأرض
والنهر الأبر
والبحر اللى حولين الأرض داير
والمحيط اللى حوى
كل العجايب والدرر
أنا حبى ف خشوع الملايكة
واقفة فى صفوفها
تسبح وتلبى الأمر
وتلم البصر..
من نور جمالو بتنبهر
أنا حبى اقوى من شيخ الجوامع
يزرف مدامع
فى تسابيح المسا
وأذكار العصر
الله اكبر
أنا حبى أقوى من ملوك الأرض
تجمع عساكر واقفة ع الجنبين
وفى العنين
تقدح شرر
تعلن تحدى للعدا
تحلف بأن لازم تنتصر
وعشان يمينها بتستمر
وتستمر
لوتلقى طعم الشهد مر
بتحس فيه حلو الأثر
أنا حبى أقوى من القنابل
والمفاعل
اللى دمر شرنوبل
لكنه مر
وانتهى وأصبح خبر
لكن غرامك ياأميرتى
فى القلب ساكن
فوق المىآذن
واقف يجلجل
بكل فخر
بيهز الحجر
قايم يأذن فى البشر
الله .... بحبك
الخير. عشقتك
النور ... علقتك
انت الحقيقة مسطرة
فى كتاب فى قلبى
مااندثر
بل سره باح
وعبيره فاح
ونوره لاح
فى كل بر
وفى السما
وفوق القمر
حبك بيجرى فى الوتر
أنا حبى فوق الجاذبية
تنزل التفاحة ..
وتحرك فكر ..
انت مش جذبتينى
انت بحبك
أسرتينى
ملكتينى
سكنتى فى حنايا الروح
فى نبضة تواتينى
عشت ف مدارك
بسبح
زى النجوم متعلقة
متزوقة
لاتعرف الراحة
ولاترضى السكون
ولاتخرج عن مدارها
قيد أنملة
أو قيد ذرة
أوقيد شعر
وأنا واقف على بابك
ومستنى
مهما العمر مر
مهو مش بايدى ان انصرف
دا الأمر جد مفيش هزر
انت القدر
وأنا روحى فانية فى القدر
وأنا عقلى حاير فى القدر
والقلب بيحب القدر
وانا كلى خاضع للقدر
يامحلا القدر
اللى رمانى ف سكتك
نعم القدر
يوم أغر ..
اياك تقولى عيب عليك
داأنت الملك ..
وألف جودا بين ايديك
مهو انت شايفة جلال معاها
كالطفل الأغر
مهو انت تاج كل الملوك
أنت الأميرة
والملوك مابين عنيك
رهن الأمر
حتى لوفوق الكراسى
والأسرة بيقعدوا
مهو انت قاعدة
جوا القلب مربعة
يمينى بالله الأبر
انا أصل حبيتك
وحبيتك
وحبيتك
وحفضل أحبك
مهما شق أو اعتسر
أو رحت القبر
مش قلت لك
ان حكايتك مكتوبة
فى قلب قلبى
مش ورق
حتكون معايا ف تربتى
جايز تحنى وتذكرينى
وتقولى للناس انى عاشق
وبالعشق انتصر
وا ن كان فى عشقه
بينتحر
النحر فيكى بيدينى الحياة
وأنا بذكرك عز الصلاة
والرب عالم بالحقيقة
بالخفا واللى ظهر
بحبك
بحبك
بحبك
ياأميرة القلب
والروح والوتر
وانا بنتظر
انا بنتظر
انا بنتظر
آخر رسالة بخطها
ومفيش جديد
غير ان حبك كل يوم
عمال يزيد ....
انت الأميرة
والأثيرة
انت مالكتى المثيرة
والقلوب هيا العبيد
ومفيش جديد ...مولاك العاشق
Aucune description de photo disponible.
Malak Malouka Sehili
3 commentaires
J’adore
J’adore
Commenter
التسميات:

تعليقات

إرسال تعليق

المشاركات الشائعة