...( ما اتغيرتش )........للشاعر المتألق ( أشرف الدغيدي )

.........( ما اتغيرتش )........

ليه بتظلمني وتلعب بيا
وكل شويه. . بتقسي عليا
وبتهجرني. وانا الحنيه

هو ده طبعك. ولاَّ بتتحداني.
ان كان طبعك خلآص إنساني
ولو بتجرب. بلاش علشاني

قلبي حنين. وما بيتحمل
وبعدك عني. كتير ح اتألم

انا مش عايزك. تبقي اناني
وتغيب عني وتنسي حناني

يا مسهرني. ومحيرني
ومخلي افكاري ما ترحمني

لو ح تسيبني. ح تعذبني
ولو تلاعبني ليه تتعبني

ده بعدك عني . ح يزود ناري
والشوق يكويني. ليلي ونهاري

ولو ح تبيعني. مش ح ارجعلك
ح انسي ايامك....ح انسي ملامحك

ولو تكرهني انا مش عايزك
كفايه هموم. انا مش ناقصك

وغصبٍ عني. ح انسي انا حبك
وح انسي كمان إني يوم شوفتك
وانت ح تندم باقي أيام عمرك

صبرت كتير. وما اتغيرتش
واديتك حبي وما قدرتش

وعزة نفسي. هي كرامتي
حتي ان كانت فيها نهايتي

مش ح اتبهدل. علشان حبي
وغصبٍ عني حدوس علي قلبي

خواطر ( أشرف الدغيدي )
حقوق الملكيه محفوظه