( مش بإيدي يآحبيبي )للمبدع ( أشرف الدغيدي )

( مش بإيدي يآحبيبي )

إسأل عني وما تتقلشي
واوعي تغيب وما تسألشي

وخليك جمبي وليا قريب
ياأعز ناسي وأغلي حبيب

ليه تنساني وتنسي هوايا
وتبعد عني وانت دوايا

وآه ياقلبي آه من هجر الأحباب
وايه يفيد الندم واللوم وايه يفيد العتاب
وليه نحب ونعاني ونعيش ليل ونهار في عذاب

يآ حبيبي فين حلاوة روحك
وفين رآحت حنية قلبك
وايه ذنبي معاك وايه اللي غيرك
وليه أصون ودادك واتعذب في حبك

ياما حاولت انساك وانسي عذابي في هواك
والآقي الأمل مصبرني ومنسيني جفاك

وكل شويه طيفك يناديني ويصالحني
وعلي غدرك وظلمك فيا حاسس بيا ويقوللي سامحني

مش بإيدي يآحبيبي حنية قلبي عليك بتضعفني
واعمل ايه في اشواقي بتشدني ليك وتغصبني

ومن نظرة اللوم في عيون الناس كلها حواليا
كرهت ضعفي وصبري علشان محدش حاسس بيا
صبرت كتير عليك واتحملت غصب عني وانت تعاند فيا

ياما اتمنيت قلبي يقسي عليك وأبعد عنك علشان ارتاح
ولقيت نفسي انا وقلبي وروحي بنعاني من الجرآح

وألآقي بُعدك اصعب عليا من غدرك وهجرك مرآر
يآحبيبي ذنبي ايه وبتعمل كده فيا ليه ومعذبني ليل ونهار

وليه ناسيني ومزود عذابي ومطول ايام بُعدك
يآمسهرني ومبكيني تعالي داويني بليالي قربك

واعمل ايه في قلبي اللي وهبته من زمان ليك
وأقول إيه لعمري اللي عيشته علشان بس ارضيك

عندي إيه تاني ياحبيبي أقدر اوهبهولك وايه أغلي من عمري عندي علشان أقدمهولك

وانت ياقآسي لسه ناسي حبك ليا وناسي عهدك
رغم اني بفكر فيك ليل ونهار وماشاغلني حد تاني عنك
وكإن حبي ليك وحناني عليك زود قسوة قلبك

خواطر( أشرف الدغيدي )
حقوق الملكية محفوظه