التسميات

( يآ صـبـر صـبـرنـا ) Ashraf Eldghedy


( يآ صـبـر صـبـرنـا )
يآريتك يآحبيبي كنت جيت ورجعت من زمآاان
وعيني شآفت عنيك وارتاح الفكر والبال
ماكنش قلبي شآف عذآب ولآ حس بهوآن
والقلب گان اتهني بحنانك وعآش معاك في أمآاان
ويآريتك يآقلبي ماصدقت عقلي ودقيت لحد تآني
ولا رسمت مع غير حبيبي أحلآم وأمآني
ماكنتش عيني عرفت طريق الدموع
ولا قلبي بات ليله من الحزن موجوع
ياما بكاني الألم وعذآب الجروح
لما شبابي رآح ومعاك الٕاحساس والقلب والروح
وياما الدموع جَرّْحها عَلِّمْ علي الخدود
والعمر فات وما بيني وبين الأحزآن حدود
استنيتك حبيبي سنين ومافارق خيالي صورتك
وتعبت يآعمري من التفكير...
ودورت عليك سنين كتير
يآحبيبي قلبي قايد نار من يوم ماشوفتك
خبيت حبك في قلبي العمر كله
وشيلتك في نن عيني من غير ما أقوله
غصب عني وعن قلبي رآح عقلي لناس تانيين
لما وعدني معاهم بحب يعوضني عذاب السنين
وحاولت كتير اهواهم واعيش من غير هواك
لكن غرامك كان مالكني ومقدرتش ياحبيبي انساك
وگان طيفك بيشاغلني وف كل حته معايا
واعمل ايه لما عيني شافت عنيك وصحيت الحب جوايا
وآه يآحبيبي لو بإيدي ابيع الدنيا واللي فيها واختارك انت كفايه
وبعد ماجيت ولغيري كنت بقيت
إزاي هقدر اعيش من غيرك أيامي اللي جايه
وازاي أتحمل بُعدك تاني وقسوة الدنيا عليا
وآاه لو العمر يرجع تاني ويرضي عليا زماني
واعيش حياتي معاك ونعوض اللي رآح من أيآمي
والصبر اللي صبرني يِرَجَعّْ تاني عمري وشبابي
وانسي الألم والجرح اللي عيشته في غيابك
يآ حبيبي عارف إن عذابي عمره ماكان اكتر من عذابك
انكتب علينا طريق مشواره عذاب
لما فرقونا يآحبيبي الأهل والأحباب
وازاي هنقدر نهرب من المكتوب
ياصبر صبرنا علي الفراق اللي ظلمنا وظلم معاه القلوب
وكفايه عليا نظرة من عيونك ياحبيبي واشوفك فرحان سعيد
واطمن عليك مع القدر والنصيب اللي إنكتب ولو من بعيد لبعيد
خواطر ( أشرف الدغيدي )
حقوق الملكية محفوظه
التسميات:

تعليقات

إرسال تعليق

المشاركات الشائعة