Ashraf Eldghedy( بُكره تندم )

( بُكره تندم )

سهرآنه الليل يآ حبيبي بنآديلك
وعن أشوآقي وحنيني باحكيلك
بعيد عني وابات الليل وقلبي حزين 
واسهر لمين من بعدك واحكي لمين
وانت يآ قآسي مارآحم عيوني
طب تعآلي صبرني وإرحم دموعي

ده البعد كوآني والنوم جفآني
والشوق تعبني وطآل انتظآري
واعمل ايه وانت لسه بتوحشني
وليلآتي سهرآنه والليل معذبني
وقلبي في غيابك مسكين وحيد
وصابر علي عذآبي وانت بعيد
وأملي تحن عليا يوم وتجيني
وترحم قلبي وروحي ودمع عيني
ويبقي يوم لقاك ياحبيبي عندي عيد

يآطير يآمسافر روح لأعز أحبابي
طمني عليه واحكيله عن عذابي
وقوله مشتقالك ووحشآني عنيك
وازاي تبعد عني وهان قلبي عليك
تبقي حبيبي وتغيب عني وروحي فيك
وحارمني رضاك وروحي عايزاك
وليه سايبني ومعاندني في هواك
وبعدك عني شاغلني وحارق قلبي
ومسهرني الليل ومعذبني في حبي

وقوله ياطير لو راح حبك بكره تندم
علي الأيام والليالي اللي كنا فيها بنحلم
وزهرة شبابنا كل ليله قدام عنينا بتدبل
وليه قلبك حبيبي قآسي وعليا مابتسأل
طب اسأل عليا ماتنساش لما كنت كل احبابك
وقول قلبك لسه فاكرني والشوق هو اللي جابك
هتلاقيني دايبه في هواك وعاشقه ترابك

ياريتك يآحبيبي علي عهد الوفا لسه باقي
وترجع لعشك وتطفي نار أشواقي
ليه الجفا وانت عمرك زي قلبي ماهتلاقي
ارجع وخدني فحضنك حبيبي زي زمان
وخليني انسي الأسيه واحس تاني بالأمان
تعالي وانسي الجفا واللوم قبل ماياخذوني
اللي بيتمنوا هوايا وليل نهار بيشاغلوني
اغراب لكن جحودك وقسوتك هتقربهم مني
وادوس علي قلبي وانسي حبي غصب عني

دي كُتر الأسيه بتقسي القلوب وتبعد القريب
والحنيه يمكن تخلي الغريب يوم حبيب
ودروب الهوي مآينورها غير الحنيه
وما يقتل الحب في قلوبنا غير الأسيه
والحبايب مايفرقها غير الهجر والجفا
لو ضاعت المحبه ونسيوا العهد والوفا
ولو فات الأوآن وزادت الخطاوي والجرآح
لا ندم ولا عتاب هيرجع الحب اللي گان و رآح

خواطر ( أشرف الدغيدي )
حقوق الملكية محفوظه