الشاعر القدير ( أشرف الدغيدي )في سألنى الليل ايه حيرك

( سألني الليل إيه حيرك )

سألني الليل إيه حيرك
وفي العشق والغرام إيه غيرك
والليل وساعاته مين سهرك

ومين ياعاشقه علمك القسيه
وسرق من قلبك الرقه والحنيه

قولت ياليل روح لحبيبي وأسأله
وعن حبه وهواه خليه يقولك ايه غيره

وايه خلاه يعذبني انا وقلبي ف هوآه
وساب قلبي يعاني من جرحه وهو دواه

بعد ماوهبته عمري وحبي وصل مداه
ونسيت علشانه سنين الماضي وخياله

وكنت اعاني من الشوق وعذابه
وهو عايش وسايبني انكوي بناره

وفضلت صابره ومتحمله علشانه
وما مر ع الخاطر يعذبني كده ف غرامه

يهجرني ويجافيني وانا روحي فيه
واتحمل واخبي ع اللايمين يمكن يرضيه

وما رحم قلبي من هجره وهو يتوسل ليه
ظلمني وناسي الليالي سهرآنه اناجيه

وهيمانه ف عشقه واتمني وده واحلم بيه

وحرم علي عيني النوم في بعده
وگان املي يهنيني وصاله وقربه

وانسي عذابي واتهني بلياليه
ويعوضني اللي راح من عمري واهنيه

ده هو أول حب حسيته في حياتي
واول غرام عيشته في خيالي

ودق قلبي لعشقه وفتحله ابوابه

موعوده بالعذاب انا وقلبي ياليل
لما انكتب عليا الغرام شوفت من وراه الويل

وحبيبي ناسي عهدنا علي السماح
كنا متواعدين نراعي حبنا وهوانا وماتفارقنا الأفراح

ومايكون بيني وبينه يوم خصام
ونعيش سويٰ وماتفارقنا الأيام

والفرحه ف عنينا وماتشوف يوم دموع

وقلوبنا ما تشوف يوم حزن ولا جراح
ومهما قاسينا وعانينا ..حبنا ينسينا اللي رآح

مين ياليل يروح لحبيبي ويحكيله عن حالي
ويقوله عن ناري واشواقي يمكن يريح بالي

خواطر ( أشرف الدغيدي )
حقوق الملكية محفوظه